Home / Somali News / 40 Qof oo la dhigay Isbitaallada Jigjiga, Hargeysa & Burco kad dib markii ay cuneen Qaad sumeysan

40 Qof oo la dhigay Isbitaallada Jigjiga, Hargeysa & Burco kad dib markii ay cuneen Qaad sumeysan

Xildhibaannada Golaha degaanka Magaalada Burco ayaa sheegay in Isbitaalka magaaladaas la dhigay lix qof oo ku sumoobay Qaad laga keenay dhinaca Oromada Itoobiya.

Sidoo kale Magaalada Hargeysa Isbitaalk ku yaalla ayaa isna la dhigay dhowr Qof iyada oo kuwo kalena la jiifaan xanuunno ay ka qaadeen Qaadka sumeysan ee dhinaca Oromada ka soo galay degaannada Maamulka Somaliland.

Wasaaradda arrimaha gudaha ee ismaamulka Somaliland Itoobiya ayaa iyana sheegay in 36 Qof la dhigay Isbitaalka Magalaada Jigjiga ee xarunta dowlad degaanka Soomaalida,iyaga oo sida ay sheegeen ku sumoobay Qaadka sumeysan ee dhinaca Oromada ka soo galay.

Xildhibaannada Golaha degaanka Magaalada Burco ayaa maamulka Somaliland ugu baaqay in ay hubiyaan tayada iyo badqabka Qaaqdka dhinaca Oromada ka gelaya Somaliland,ee kaliya aanay qaadan canshuurta laga helo Qaadka.

Waxaa sidoo kale ay ugu baaqeen Dadka Soomaaliyeed in aysan isku cunin Qaadka dhinaca Oromada,waxaana mid ka mid ah Xildhibaannada Golaha deganaka Burco oo haldyay uu sheegay in Oromada ku hanjabtay in ay Soomaalida qaab aan dagaal ahayn isaga reebeyso sida uu yiri.

Colaadda u dhaxeysa Oromada iyo Soomaalida ayaa soo baxday kaddib markii 43 Qof oo Soomaali Ganacsato ah lagu dilay degaanka Hawaday ee dhulka Oromada kaddibna ay xigtay barakac farabadan oo ay sameeyeen labada Qowmiyadood.

Previous Dhageyso Wareysi: Xildhibaanada Galmudug oo ku eedeeyay xildhibaanadii federaalka ee tagay Cadaado hurinta khilaafka madaxda Galmudug
Next Dhageyso: Koonfur galbeed oo ku eedeysay Dowladda dhexe isku dirka xildhibaannada maamulkaasi

Check Also

Maxkamada Yurub oo sharci ka soo saartay in loo gefo nebi Muxamed NNKH

Maxkamada Xuquuqda Aadanaha ee Yurub ayaa soo saartay sharci cusub oo mamnuucaya in loo gefo …